احساس غامض
كتير بتحس إنك ف الصميم موجوع
تلاقي القلب من بين الضلوع مخلوع
تدور ع الهوا تتنفسه.ممنوع!
وحتي الصمت لمشاعرك قانون مشروع
*******
تموت البسمة جوي الروح وع الشفة
وحزن دفين ملا قلبك ولا وفي
في عز الحر من بردك بتدفي
*********
تدور جوي إحساسك علي الأسباب
تدور فيها وتبعتر وتفتح باب
تلاقي الباب وراه قاضي بحكم غياب
علي كل الحواس تصمت وحكم معاب
************
وألف لسان يقول لك ليه؟
وبيصمم ترد عليه ؟
ويفحص نظرتك بعنيه
مع إنك
ما تفهمش جرالك إيه
بقلمي
الشاعرة/ناهد الموجي
Aucun commentaire:
Enregistrer un commentaire