رسالة
......
ما فيش عندي رصيد عنك
ولا نظرة حنان منك
ولا لقمة قسمناها
ولا سكة قطاعناها
لكن شايلة كتير همك
...................
يا شمسي الغايبة بدفاها
يا همسة فقدت معناها
يا ضحكة الحزن جواها
طريقك فين؟!
....................
بغمض عيني وبشوفك
بحس اللمسة ف كفوفك
واشبك إيدي جوي إديك
واسبت نظرتي ف عنيك
الملم خوفي مع خوفك
..................
أخبي الحلم ف جفوني
وازود شوقي وجنوني
وأعيش جواك
وابعتر خوفي وظنوني
واداري الدمع ف عيوني
قول بهواك
.....................
وتنساني وانا فاكراك
أحسك بس مش لقياك
وتبعد بس انا شيفاك
شعور نادر ما هوش موجود
بيلغي حدود
وهد سدود
ولا ف وصفه الزمان هبجود
بقلمي
الشاعر / ناهد الموجي
Aucun commentaire:
Enregistrer un commentaire