(( رنة خلخاله . . . ))
* * * * * * * * *
الحلو ماشي في ..
الحارة بيتعايق !
وفيه ناس كتير من
حسنه بتضايق ..!
لما يمشي ويرن
خلخالة ..!
القلب بيرقص
علشانه ..
الحلو بيتعايق
مين أده ؟!
يكيد عزاله
مفيش زيه ..
يحرصك من العين
ويصونك ..
ياحلو وكايدهم
من يومك ..!
مهما تغيب عنا
مش نسيينك #
ويمر مهما يمر
يا محلى هلالك
رنة خلخالك تطربنا
وشهقة عزالك تخبلنا
ياجمالك من
وصف حسادك !!
لما يكدوك ...
يزيدوك ...
حسن على حسنك
قلبي معاك فين
ما تروح ...
والعين حرصاك
ومش مسموح
تغيب .. وان غبت. .
تغيب الروح !
الوقت صعيب
إن عدا عليه !!
وحبيب الروح
بعيد عن عنيه
تعالى اوام نتقابل
وبالاحضان نتسامر
ونعيش اللحظة
ب لحظتها #
ما نضيع حتى فرحتها
ونكيد عزالي وعزالك
وأقيم الفرح علشانك
وسعتها ننسى الأسية
ونعيش الأيام الجاية
في هنا وسرور ومحبة
(( فكري حسن ))
Aucun commentaire:
Enregistrer un commentaire