شعر شعبي بعنوان
عندما تغيب الشمس
اعبرن ياسنين الضيم اعبرن
بعد ما باقي من العمر خطوة
مشن يتغامزن وجه الصبح
يكولن ما بقت للضيف حضوة
بسك يازمن خلني ابتسم لحظات
ماشي لحفرتي من فوك علوة
رماني بسهم لحظة واصبحت مجنون
ومشيت أطوي المسافة بدون عطوة
اغازلهن وحب ساعاتي اطول
ومن عمري مضت ساعات حلوة
اتنام احلام ليلي وأنه واعي
افرح وانسعد من روحي تروة
وبجرة قلم ينتهي كل الراح
واصعد للسما من دون دعوة
واحجي شماجرى بالدنيا وياي
كل عمري كضيته بلاية شكوة
صارت دنيتي بس شدة أحلام
ولامنهن تحقق حتى اكول تسوة
كمت ازرع شلب ويخضر ادنان
هم مرت عليكم هيج بلوة
صرت أشرب تتن من غير دخان
ومامش فايدة بس بيه سلوة
يروحي خلي الفات كله يهون
بس لا للخلافي يصير عدوة
ادعو الله هل المصيبة اتزول
وتبقى ايامنا بكل وكت حلوة
يريت تصير كل أيامي افراح
وبلكي من الجليل تكون فتوة
اتمنى تمر طيبة باقي الايام
وأنه والحبيب انعيش خلوة
لاغابت شمس ولاجن لفانه الضيم
ولاجن بسمانا طارت الططوة
لعبنه لعبة العشاك احنه اوياه
مثل صيد الحباري بدون جزوة
مهدي نايف الياسري ال مناف
اوهايو في 25/ 1 / 2019
Aucun commentaire:
Enregistrer un commentaire