ضميني
للمرة الأخيرة
قبل ما تفلي
وتودّعي ..
خليني بوس
العيون يا اميرة
و قلك كلمتين
اسمعي ..
يلي نويتي
البعد و الهجر
نسيتي مفتاح ألبك
بعدو معي ؟
كنتي ليلي
قمري ، سهري
لو تحسي بنار صدري
اديه كنتي
رح تتوجعي ..
يلي بينا كان
عشرة عمر
لحبنا رقصوا
نجوم الليل
و غنى القمر
و الدنيا فاحت
بعبق ياسمين
و زهر
وعن حبي
هلأ بتتمنعي؟
كنتي كل سنيني
كنتي نور عيني
و لعمري ملكة
في القلب تتربعي
خدي حروفي
صمتي ، صوتي
خدي قلبي معك
عذبي فيه
و اتمتعي
مفتاح قلبك
بعدو معي
لفّي كل الكون
و كل بلاد
ومهما حاولتي
نكون بعاد
رح تحني ، تجني
تندمي و لحضني
بكل لهفة ترجعي
رح كمل مشوار حياتي
المؤمن مصاب
و انا المصاب
في هواكي
و الله رح يكون
بكل خطوة معي
ضميني للمرة
الأخيرة
قبل ماتفلي
و تودّعي
سمير مقداد
Aucun commentaire:
Enregistrer un commentaire