مجرد احلام شعر شعبي
شفتك حلم وتمسكت بيك
لكيتك جذب من يوم فزيت
صرت اوياي حتى بنومتي احلام
ومن يوم الرحت ان اتناك ماجيت
اتحمل يكلبي اهموم وأحزان
بسك دومك بحسرات ضليت
لسه لايزال الجرح ملجوم
ولا انت زرت فد يوم ذاك البيت
ولايوم بحياتك ارحمت مظلوم
ولاسويت زينة الذمتك
اوفيت
يلتمشي على حد الشوف حياك
عليك ولابعد على الغير وديت
على روحي بجيت بكلب مالوم
ذكرت ايام حلوة الها حنيت
كل ظني متت وظل كلبي موجود
ولاصارت حياتي بيوم شتيت
ولا الاحلام نامت تحلم افراح
لا فزيت ذاك اليوم ولكيت
ولا عمري بده بهذي التفاهات
ولا كل الدروب عليها مريت
لو تايه بليلي وما اشوفك وين
تعبت الروح بيك اتحمليت
صرت فانوس شارع ماطفاني الليل
اضوي الدرب أجلك وانت ماضويت
أعد اسنين عمري وأحسب ايام
واكول البارحة من بعدك اشسويت
بقلمي
مهدي نايف الياسري ال مناف
اوهايو في 3 / 2 / 2019
Aucun commentaire:
Enregistrer un commentaire