صورة لحلم
مسكت الفرشة والالوان
ورسمت صورة من الخيال
صورة ياناس ممكن لحلمي
ما قولت انا دا القلب قال
رسمت طفل صغير
بيضحك بشوق لفجر الصباح
رسمت عصفور سعيد
فرحان وفارد جناح
بيحضن فجر النهار
رسمت مركب ورسمت دار
رسمت صحبه وكمان فنار
رسمت ورد وكمان زهور
رسمت شمس شعاعها نور
رسمت لحن رسمت اغاني
رسمت عمر عاد لينا تاني
رسمت ورسمت يا ناس كتير
رسمت حب ومعاه ضمير
رسمت عدل وكمان ميزان
رسمت وخلصت الالوان
وفي النهاية مسحت ايديا
كل حلم كان صعب عليا
بس يا خسارة في النهاية
ببص يا ناس ما لقيتش صورة
يحيى حسين 2 يناير 2018
Aucun commentaire:
Enregistrer un commentaire