أنا والشعر
أنا جنية الأشعار
حروفي من لهيب النار🔥
بقول الشعر من صغري
وشايلة حروفه علي ضهري
ولو تسألني عن مهري
كفاية الشعر ليل ونهار
💧💧
ولا هاكل ولا أشرب
ولا لي سواه مأرب
ومنه إليه انا بهرب
ولوعاند أنا بانهار
💧💧
وهسكن جوي أبياته
تونسني حكاياته
وتشجيني خيالاته
كفاية علي زخاته
ومن غيره أنا باحتار
💧💧
أنا سكناه وساكني
ف بؤبؤ عيني والنني
ولو يبعد ف يوم عني
وياخد قافيته مني
يصبني دوار
💧💧
بقاسمني مسراتي
وياخد مني نغماتي
وشاغل كل أوقاتي
لأنه ف الظلام أنوار
بقلمي
الشاعرة ناهد الموجي
Aucun commentaire:
Enregistrer un commentaire