غطي دمعك بالمنديل // بقلم الشاعر سليمان نزال

غطي  دمعك  بالمنديل

غطي  دمعك  بالمنديل...

 و هاتي  أمسك  همساتك

دمعك  بضحك  بالتقبيلْ

من     ثمك   لورداتك

يا  نور  الشوق  يا  قنديلْ

منو   شايف   غمزاتك

دمعك  جرّح   مواويل

خلص  خبي  دمعاتك

دمعك   شفتو   بالجليل

وصل  لبنان   و حياتك

خللي  الزيتون   و النخيل

يحضن  فيكي  أرزاتك

لبعث  من  نبضي  رسول

و اقرا   ببوسة    آياتك

غطي  دمعك   بالتسبيل

تعالي   أدخل   نبضاتك

/

غطي  دمعك   بمنديلك

بنت  بلادي..دخيلك

عشق  الأرض  دليلك

بكرا   منطرد دخيلك

و منرفع  عزة راياتك 

/

غطي  دمي  ببسماتك

لأزرع جرحي  بأرضاتك

و ليكبر  مع  ورداتك

من  دجلة    و لفراتك

و خلي  قلبي  قنديلك

و من  "غزة"    و "لخليلك"

يلي   بنابلس  مواويلك

بتسهر  مع  زيتوناتك

راجع    راجع   لأحكيلك 

شو عملو  فيي  غمزاتك

سليمان  نزال