الشاعر د.عز الدين أبو صفية / " ما في مثلك حدا "

الشاعر د.عز الدين أبو صفية

ما في مثلك حدا :::

ع الهَدى ... ع الهَدى
اسمعي يا ندى
من قبلك أنا عرفت كثير
وما مال قلبي ...
ولا عقلي تعلق ب حدا
ولا صرت بأديهن أسير
من يوم ما شفتك
يا ندى ...
تقصقصت جناحيني
وما عدت أقدر أطير
وليكِ أنتِ زاد حنيني
وهجرتني كل الفراشات
و البلابل و كل العصافير
والله يا ندى ...
ما شفت مثلك حدا
أنت قمرهن
ومن جمالك وأخلاقك
بتوزعي الجمال الهن
و منك صارن ...
بيغارن
علميهن كيف ...
بيكون الحب
وكيف العشق بيملا...
العقل و القلب
وكيف بجمال
كحل العيون
بينسحر اللب
وكيف بيدفى الحضن
وكيف نعزف
ع أوتار القلب
سيمفونية قصص الحب
واتركيهن هايمات
بالوهم والظن
أنت يا ندى قمرهن
وأميرة زهرهن
وشمس سماهن
وأنت يا ندى..
ملكة كل النجمات
متربعة ...
على عرش الثريات
وأنت... أنت
ندى ونسيم صباحهن
قولي لي مين مثلك ؟
سبحان الخالق
صور جمالك
والله مثلك في الكون
يا ندى
ما شفت حدا

د. عز الدين حسين أبو صفية،،،