قصيدة
،، أنياب خلف جدران الأقنعة ،،
حرت وياك صوره تناقض بصوره
ياطبع الأفاعي ولابس الف أقناع
مرات من أشوفك ودي أعمي الكون
وعيوني سفينه وتغرق بنص قاع
حريص أعليك حتى من الهوى لو
داعب جمالك وصرت أنت أشراع
ياريحة الهيل الفار بالماعون
ياليل التلبسه ينور حدره شعاع
جمالك بالوصف تحير بيه أعقول
بس طبعك حبيبي غادر وخداع
يلماخذ غرور من الف طاووس
وماخذ نعومه من حيايه الكاع
تنساب علكيفك للقلب تغريه
وعندك بشباك العناكب خبرة الصناع
تصطاد الفريسه بشكلك الفتان
وتظهرلك حيايه ومظهر الخداع
حرت وياك أطباع أشلون تسكن بيك
مو حتى انيابك تلدغ الأطباع
✍ عبدالحسين شاكر الصفراني
// العراق //
Aucun commentaire:
Enregistrer un commentaire