دوزنت بيك عصب الشقا //، بقلم الشاعر المبدع ماهر الطيب

دوزنت بيك عصب الشقا

الجاي من وجع التباريح

السابحة في كل الخلايا

والمسامات البترشح

حنين اشواقي واعتلاقي

يا شهقة غناي البكر..

متعشقك

بشرت بيك كل الحنايا

وغنيت هواك يا غالية

وشديت على وتر الاماني

الطالة من عينين..

 اشجاها السهاد

والسفر..

جاي ليك يا ست هواي

طاوي باجنحة العشم

مسافات الانين والبعد

من مدن شاخت  من

طول الوجع والعويل

شان القى فيك..

نغم الفرح الشهئ

وعليه.. اتكئ

وامواج حنان

 تغسل رهق

المتون

وتحضن فؤادا

بيك يهاتي وينادي

.. و..

دايما ليك وفي

احبك جدا

ماهر الطيب