قصيدة
((( تفرق كتير )))
تفرق كتير
انك تحس
اني عليك
دايما بغير
تفرق كتير
لو حس قلبك
مره بالحب الكبير.
تفرق كتير
نظرة عنيك
لمسة ايديك
ولهفتي وشوقي إليك
يفرق كتير
إحساسي بيك
غيرتي عليك
تفرق معايا
حاجات كتير
جايز تكون
حاجات بسيطه
بس الحقيقه
أكبر كتير
م اللي ف خيالك
أو جت ف بالك
يفرق كتير
حبي ليك
وفرحتي اما بشوفك
او اشوف ضحكتك
لحظة لقانا ولهفتك
يفرق كتير
خوفي عليك
نظرة عنيك
همسي اليك
وانا بين ايديك
وانت بتاخدني لدنيتك
وانا باعيش ف جنتك
يفرق كتير
حضن يجمعنا
سوي لحظة
لقانا أو فراقنا
لحظة هوانا أو خصامنا
لما بطمن عليك
والدموع مليا عنيك
تفرق معايا حاجات كتير
عشان تحس انك أمير
وملكت احساسي الكبير
تفرق كتير انك تحس
اني عليك هفضل اغير
كلمات الشاعر / السيد علي القنض
Aucun commentaire:
Enregistrer un commentaire