همسات
همسات صدگ بطلتي الهمس
زين وين أنطي وجهي للشمس
مزيون يا الكلك لطافة وطيب
ومحنة أهلنه من تهمس همس
هم غبتي علميني درب الغياب
حتى آخذ منك علوم و درس
ما تدرين بالمحبة مثل الشجر
من ينزرع بالأرض ويغرسوه غرس
وآنا أهيم بصورتك لو بشوفتك
وتدريني همت بيك بطلت العرس
رد لي كافي البُعد حطمني حيل
وما أگدر على فرگاك اليوم وأمس
أدري بمروتك ما تسكت عالضيم
ويظل صبري يجري ويا النفس
يا التمطر بگد الغيم محبة وحنين
وزاد حده وصعب بالگلب ينحبس
رد إلي كافي الزعل والبعد چتال
ما ينجرع وأحمس بروحي حمس
براق فيصل كاظم الحجاب الحسني
Aucun commentaire:
Enregistrer un commentaire