كل الكلام اتقال
مفضلش غير افعال
فلو انت حد جبان
أو كنت يوم زنان
اخلع وقول يا فكيك
اخلع عن التلكيك
وياريت بسرعة كمان
ولو انت مش كَيِّيف
أو بالمناسبة كفيف
قوم شغل التكييف
وابعد عن الدخان
وفي البِعيد خليك
..
مبقاش في بينا جدال
أو حتى قيل أو قال
كل اللي فات دا خيال
اما اللي جاي يأذيك
عمرى يدوب محسوب
بالورقة والمكتوب
مبقاش ناقصنا ذنوب
تمنعنا وقت آدان
ومعدش حتى حنان
من انسي أو من جان
صعب إن تعيش بآمان
صعب إن تشوف النور
فاخلع يا بأف وغور
وأفضل تلم الدور
أحسن ما أثور وح أثور
واصبح كما البركان
#بهاء_اللبودى
Aucun commentaire:
Enregistrer un commentaire